ذكرياتــ ...يدودنا

قـال الثبيتـي بعدمـا زان مرمـاهـا
في صحصـحٍ بيـن مفلاهـا وحلتهـا
ريـم ِجفـو ل ِ تحـدى مـن تحداهـا
ماينعـرف خبثهـا مـن طيـب نيتهـا
صالت وجالت وجات اليـوم برضاهـا
مستنكـر اسبـاب جفلتهـا وجيتـهـا
هوجابهـا اللـي قبـل عاميـن ودّاهـا
او انهـا سالفـه مـن ضمـن خطتهـا
لاكن الأرجح تبيّـن لـي فـي اشفاهـا
بعد انثنت مـن خجلهـا ثـم عضتهـا
وعيونهـا تستجيـر وجـات بمـلاهـا
لين اختلط شهدهـا الصافـي بدمعتهـا
وسالت ومالت من اقصاهـا إلأ ادناهـا
يامـن يدوّرعلى..العيسي..بساعتـهـا
تستعطف الروح بعد احتلـت احماهـا
باسـلاح فتّـاك سمـه قـوّ عبرتـهـا
وتزيدهـا بالـدلال وتقصـر اخطاهـا
ياتـل قلبـي علـى زفـرات ونتـهـا
ويبان لي يوم تكسـر سايـر اعظاهـا
استغـفـرالله اذا ثـنـت وعلـتـهـا
العام راحـت بصـوره قلـت فرقاهـا
واليوم جتني بصوره غيـر صورتهـا
.. صوره قديمـه .. ولاودي بطرياهـا
حسبتهـا مرحلـه صعبـه وعدتـهـا
ورسمتها مـن جديـد بـدون ذكراهـا
طـبّ القلـوب العليلـه فـك شفرتهـا
ومزجـت باقبالهـا فتـنـة امقفـاهـا
وكتبت انا اول ضحيه فـوق طرحتهـا
لوحه جميله وتحكـي حـال مضناهـا
فنّـي تعـدا الخيـال وفـاق زينتـهـا
باالله ياهـل الهـوى وشعـاد يمحاهـا
من جور مابي حفظت اوضاع نومتهـا
وعزفتها الحـان ليـن العـود غناهـا
حتى صدى العود عانق صوت ضحكتها
وعلى المقام الحجازي ضعـت واياهـا
لا الوقت وقتـي ولا الحـزّه بحزتهـا
مجنونـة الفـن غيـري كيـف يلقاهـا
حتـى السواليـف ألحنهـا وغنتـهـا
وان جيت ابنظم على القيفـان معناهـا
القى جزيل الشعـر باطـراف قصتهـا
وشلـون لوفلّـت الليـلـي بيمنـاهـا
يسـرح خيالـي يضـم اكليـل زفتهـا
آخرقصـيـده كتبنـاهـا وقلـنـاهـا
عنوانهـا خدّهـا والرمـش نوتتـهـا
قلت ارحمي نفس شاعر وصلت اقصاها
مـدّي يديـن الغـلا ياطيـب مدتـهـا
مجنونهـا مـادرى مـن ويـن يلقاهـا
انتي سبب ضعـف حسبتهـا ونسبتهـا
اعظم خطايـاك زرع الطيـب يمحاهـا
هاتي وفـى واخـذي الدنيـا برمتهـا
قالـت يمينـك يميـنـك لاعدمنـاهـا
وعهدي بكـل المواجـع يـوم ضمتهـا

يسلمووو الغلا

يسلمووو

احلى عيون..

تسلمين حبوبه ع المرور الحلو..

ذيب المزاريع..

تسلم الغالي ع المرور الحلو

ولا عدمناكوو

تسلم الشيخ عالطرحــ...

ونرقب كـــــــــل يديد من صـــــوبكـــ...

تسلمين ولا هنتي نايفة العود ع الطله

تسلم المدير على الموضوع ولا عد مناك

تسلم يالغالي عالموضوع

تســـــــــــــلم مــــــــديرنــــــــا عالمــــــــــــــوضوع ....

ونتــــــــريا منـــــــــك الــــــــــزود