.,+[ كــــثـــر الطـــعـــون ].,+

السكوت الي احتواني سبته كثر الطعون
والجروح الي غزتني عمرت فيني الحزن !

ماهقيت الصاحب الي منزله وسط العيون
قد شطب معنى الوفا يوم اقفيته وطعن !

( للمعزه .. والموده ) كنت متأمله يصون
ويبقى في دربي سند من غرابيل الزمن

كنت اظنه انسان صادق مستحيل انه يخون
ظني في بيت الاصاله والشهامه قد سكن !

كنت اظنه من رجال ٍ في الشدايد يفزعون
وآآحسااافه يوم اني كنت اظن وكنت اظن

اثره ابيوم وليله .. خيب آماااال وظنون
واكتشفت ان الدنائه تعتبر قلبه وطن !

شخص مثله بلا كرامه .. يتبع الي يدعون
( بالرجوله )..بس مابه في فعايلهم رزن !

وانا لي (كلي رزانه) واشهد انها ماتهون
وآتزين بالطباااااع .. الي لـهـا قـدر ووزن

شامخه ما اهتز شاني .. ثاااابته فيني الركون
وان كثرت زلزال غدره .. مايحـــرك بي ركـــن !!!

يا كبرها .. من مصيبه .. في زمانك .. لو تكون
الصداقه .. مثل سـلـعـه بيعها بارخـص ثمـن !!

مابقت للدنيا حولي فــي عيوني اي لـــون
بعد ما ( ماتت ضماير ) .. والنوايا ماصفن !!

وسوالــــــــم...

خويتـــــــكم : نايفة العود..

صح لسانتــ

تسلمين ولا هنتي ونترقب اليديد

يسلموووو

دموع زايد..

صحــ بدنك اخويه ولاهنت عالطله

ذيب المزاريع..

ربي يسلمك اخويه وتسلم عالطله

صح لسانج

تسلمين ولا هنتي على القصيده

تسلميــن الغاليه عـ القصيده

تسلمين يالغاليه عالقصيده